بعد الموت

الدنيا ليه أسية كدة
فيكي دخلت ولا تسئلت
تهت وغرقت
ليه كل داه
سايبك خلاص منك زهئت
كل الصحاب ماشيين ورايا
فوقهم شايفهم كلهم
جايين معايا
بنده عليهم صوتي عالي
يا خسارة مش سامعين ندايا
حيوصلوني ويرجعو
بنده عليهم اسمعو
من جوا قلبي حتوحشوني
من غير بكاء من غير كلام
من غير وداع من غير دموع من غير سلام
عشت السنين وياك وبنساك
واهو دوري جاه
ايام وكل الناس حتنسا
بس اوعو تنسو يلي خلئنا خير وشر
لحظة وحتلئو العمر مر
والدور حيجي ما فيش مفر
سر الحياة سر الوجود
جوانا اه مافيش حدود
نكره في ناس بتعيش سنين
ونحب ناس زهرة شبابها بتنطفي
قدام عنينا
والمعنى موت
مين يلي ينسى وينسى ايه
دنا لسى سامع ضحكتك في وداني رنى
شايفك في عيني وبسمتك رايحة وجاية
لو ننسى كل الكون ملامحك مش حننسى
لوعدى بعدك ألف يوم
بعدك ومهما الدنيا تئسى
حتكون معانا
بفرحنا و بحزننا حتعيش هوانا
ولي بينسى بينسى حد براه يكون
لكن مكانك في القلوب
بين الجفون جوى العيون
يعني يلي ينسى ينسى روحو
والروح عليه ازاي تهون
ازاي تهون ازاي تهون